Djárason 6 di novèmber a tuma lugá un reunion na kua representantenan di prensa, lidernan di skol, dosentenan i koleganan di Entidat Públiko Boneiru (EPB) a bini huntu pa risibi un presentashon tokante reintrodukshon di edukashon di suidadania.
Konseho insular di Boneiru ta hopi preokupá ku e kandela ku a surgi na lenfil di Selibon i su konsekuensianan pa e habitantenan i naturalesa di Boneiru. Debí na esaki tur frakshon nan huntu a hasi un petishon na gezaghebber pa un reunion urgente.
Riba djamars 22 di òktober 2024, Salma Serberie a huramentá ofisialmente komo miembro di Konseho Insular di Boneiru pa frakshon Demokrat. E ta remplasá Sr. Delno Tromp, ku a renunsia for di su puesto den e konseho insular.
Djamars 20 di ougùstùs 2024, Señor Pablo J. Kroon a huramenta ofisialmente komo miembro di Konseho Insular di Boneiru pa frakshon di Union Patriótiko Boneriano (UPB).
Konseho Insular di Boneiru a finalisá segundo siman di nan bishitá di trabou na Hulanda Europeo. Durante e siman aki tabatin vários enkuentro balioso ku otro representante di komunidatnan i islanan Hulandes. Tabatin tambe diferente reunion di importansia ku diferente mandatario di Hulanda.
Algun miembro di Konseho Insular huntu ku e departamento di administrashon di Grefi, a bishitá e departamento di Pòst i Archivo di entidat públiko Boneiru. Riba invitashon di Geert Stroo, hefe di Post i Archivo, e konsehalnan i trahadó di atministrashon a haña un bista di e retonan den e trabou di archivá.
Konseho Insular a keda informá di kantidat di notisia prekupante ku ta yega na e isla, spesialmente via blog personal, medionan sosial i tambe via e úniko korant lokal. Hopi di e publikashonnan aki ta parse di ta basá riba informashon ku ta bini direktamente for di organisashon di Gobièrnu di Boneiru, òf for di sírkulonan den i rònt di Gobièrnu.
Keda alertá pa desaroyonan tantu interno komo eksterno ta di importansia. Tur luna, Konseho Insular ta organisá un tayer demokrátiko. Durante e tayer, Konsehal i Grefi ta sigui un tayer òf un presentashon tokante un tópiko relevante relashoná ku nan trabou.
Despues di lunanan di diskushon ku su propio komishonnan, ku e Kolegio Ehekutivo i e Kolegio Insularnan i Kolegio Ehekutivonan di Saba i St. Eustatius nos ta kla. E Konseho Insular di Boneiru, huntu ku e griffier interino, por bai Hulanda ku un dokumento ku ta permití e miembronan di Konseho Insular pa hasi un apelashon bon fundá pa mihó lei i regulashonnan pa Boneiru.
Stimulá diálogo tokante un kooperashon formal i establesé posishonnan konhunto riba áreanan di interes komun tabata e resultadonan prinsipal di e kumbre BES ku a tuma lugá siman pasá, for di 16 pa 18 di yanüari na St.Maarten. Miembronan di e Konseho Insular i Kolegio ehekutivo di Boneiru, Sint Eustatius i Saba a asistí na e kumbre aki.
E meta prinsipal di e kumbre di tres dia tabata pa sigui forma un aserkamentu kolektivo riba e retonan atministrativo i polítiko ku e islanan ta enfrentá, algun di nan komo resultado direkto di kambio konstitushonal.
17 di yanüari 2024, durante e di dos dia di e kumbre di konseho insular di Boneiru, Sint Eustatius i Saba, a diskutí diferente posishon relashoná ku e revishon di “Wet Openbare Lichamen Bonaire, Sint Eustatius en Saba” (WolBES) i “Wet Financien Bonaire, Sint Eustatius en Saba” (FinBES).
E promé dia di e kumbre di islanan BES komo señal pa un kooperashon di aliansa entre Boneiru, Sint Eustatius i Saba ta tras di lomba. Djamars 16 yanüari 2024 tabata e promé dia di e kumbre entre islanan BES pa yega na un akuerdo i posishon komun tokante e revishon di WolBES/FinBES. E kumbre a konta ku presensia di miembronan di Konseho Insular di tur tres isla, diputado di Sint Eustatius i Boneiru, Sekretario Insular di Boneiru i Sint Eustatius i tambe diferente konsehero di diferente spesialisashon ku ta asistí e islanan den e proseso aki.
