Reunion di desishon di djamars 17 di òktober

Na e reunion aki, algun konsehal a presentá un moshon di deskonfiansa. E moshon aki a wòrdu aprobá ku un mayoria chikitu, ku sinku miembro votando na fabor i kuater miembro votando kontra.

Den nos derecho estatal tin e konsepto di regla di konfiansa, ku ta nifiká: ta asumí ku un mandatario tin e konfiansa di e gremio representativo te ku momento ku e kontrali a wòrdu demostrá. Un di e hèrmèntnan pa demostrá ku falta di konfiansa a surgi, ta un moshon di deskonfiansa. Den e kaso aki, un moshon presentá kontra tres diputado pareu.

Ademas, un konsehal a indiká ku e no ta forma parti di su frakshon mas i ku e ta postulá su mes komo miembro independiente. Esaki tin komo resultado, ku awor e ta forma un di sinku frakshon, ku ta konosí komo Frakshon Vrolijk.

Despues, durante e diskushon di  presupuesto, miembronan di Konseho Insular , a proponé algun amienda. E amiendanan aki ta rekerí konseho di e kolegio di supervishon finansiero (CFT). Debí na e prosedura aki, Konseho Insular no por a tuma un desishon final riba e presupuesto di 2024 riba 17 di òktober ultimo. Konseho Insular ta rekonosé e importansia di un presupuesto transparente i responsabel i ta tuma e medidanan nesesario pa atendé debidamente ku e proseso aki.

Ta importante pa menshoná ku e kontinuashon di e reunion programá lo tuma lugá dia 24 di òktober ku e kondishon ku tin un konseho di CFT i ku e dokumentashon adishonal nesesario di e Konseho Ehekutivo a ser duná na e miembronan di Konseho Insular na tempu.